الأخ

الأخ فقده يا بدر ما كل حي يدريبه
مايدري بفقد الأخو إلا ضرير وحيد

لا شاف له بين الغداري ذيب ولعوا ذيبه
في رأس رجم لا عوا السرحان كنه مقيد

يا وجد عينه لاغدا من بسمه يماريبه
ويا شل كفه لا رحل منه عضيد وجيد

أشد من عرض الفتى وامر من تغريبه
واحر من قيد المقيد في نهارٍ كيد

الأخ يمنى ماخذا منك الزمان يجيبه
والأخ شمسٍ لا اضلمت دنياك شرقه نيد

والأخ نعمه زايله لاتبيع ولا تشريبه
والأخ سيف معلق وعزوه وقصر مشيد

وعيال عمك درع جنبك دون شك وريبه
لكن فقده يابدر وسط الحنايا بيد

عيال عمي لا سرا الهاجوس بي يسريبه
كن شوفهم مطلاع شمس العيد يوم اعيد

وعيال عمي لا بدا علم ونبا تحريبه
(حيدت لني داري اني لا بغيت احيد )

يارب عبدك لارفع كفه دعاك تجيبه
الشان بيدك ياعضيم الشان يالمتسيد

ماطاب لي طب الطبيب اللي عجز تطبيبه
ولا عاضني فيه الولد او جاه مال السيد